Ayı dərisi

İllər öncə Uzaq Şimalın çətin şərtlərinə dözməyən Yelena körpə qızı ilə birlikdə doğma şəhərinə qayıdaraq ailəsini geridə qoyur. On altı il sonra Sergey yetkinlik yaşına çatan qızı Yulyanı təbrik etmək üçün onların yanına gəlir. O, qızına hədiyyə olaraq ayı dərisi gətirir, lakin illərdir görmədiyi atasını yad biri kimi qəbul edən gənc qız bu gəlişə heç sevinmir.

Yelenanın da planlarında keçmiş xatirələri oyatmaq yoxdur və o, keçmiş ərinin peyda olmasından narahatlıq keçirir. Yalnız Yulyanın rəfiqəsi Marina Sergeyin daxili keyfiyyətlərini layiqincə qiymətləndirir və ona qarşı rəğbət bəsləməyə başlayır. Vaxt keçdikcə Yulya da atasının varlığının onun həyatına yeni məna qatdığını dərk edir. Təhsil almaq üçün Moskvaya yollanan qızla Şimala qayıdan ata arasındakı bağ artıq qırılmır.

«Ayı dərisi» (Medvejya şkura) melodram filminin rejissoru Rudolf Fruntovdur. Rusiya və Belarus istehsalı olan bu ekran işi 2009-cu ildə təqdim edilib. Əsas rolları Lyubov Tolkalina, Aleksandr Sayutalin, Vera Tran və Oleqa Şuvalova canlandırıb.