Qaynar su

Supermarketdə xəzinədar işləyən Qalina ailəsindəki problemlərdən xilas olmaq üçün gənc bir tələbəyə sığınır. Qadın sevgilisinə dəstək verərək onun anasının daimi təzyiqindən qurtulmasına kömək edir.

Özünü xoşbəxt hiss edən gənc oğlan isə maddi sıxıntılarını həll etmək üçün Qalinanın növbədə olduğu vaxt mağazadan ərzaq çıxarmağa başlayır. Tezliklə onların bu əməlinin üstü açılır və Qalina bütün günahı öz üzərinə götürür. Həbsdən çıxdıqdan sonra o, sevgilisini axtarır və cütlük yenidən bir araya gəlir.

«Qaynar su» (Kipyatok) filmi rejissor Tatyana Firsova tərəfindən çəkilib. 2008-ci ildə nümayiş olunan bu Rusiya melodramında əsas rolları Sergey Laktyunkin, Svetlana Lebedeva, Aleksandr Vasilevski və Konstantin Milovanov canlandırıblar.