Səhv

Dana Kovalyova dəb geyimləri istehsal edən şirkətdə reklam şöbəsinə rəhbərlik edir. Tezliklə rəisi Roman Savelov ona xüsusi diqqət yetirməyə başlayır. Rəhbəri evli olsa da, bu nikahın yalnız formal xarakter daşıdığını bildirir: həyat yoldaşı ondan xeyli yaşlıdır, Avropada yaşayır və səhhətində ciddi problemlər var. Bu sözlərə inanan Dana ona aşiq olur.

Şəxsi münasibətlər qızın karyerasının sürətlə yüksəlməsi ilə müşayiət olunur. Qısa müddətdə o, əvvəlcə icraçı, daha sonra isə baş direktor vəzifəsinə təyin edilir. Lakin bu uğur gözlənilmədən sona çatır və gənc qadın müttəhimlər kürsüsündə əyləşmək məcburiyyətində qalır.

«Ошибка» filmi 2018-ci ildə Rusiyada çəkilib. Melodram janrındakı ekran əsərinin rejissoru Valeri Devyatilovdur. Əsas rolları Tatyana Kazyuçits, Anatoli Rudenko, İlya Yermolov və Zoya Beloxvostik canlandırıblar.