Olivia

Aktyor olmaq arzusu ilə yaşayan Vanni hələlik Roma Fiumiçino hava limanında barmen və ofisiant kimi çalışır. Günlərin birində darıxdığı üçün təsadüfi videoçata daxil olan gənc oğlan orada başına qurbağa formalı toxunma papaq qoymuş qəribə bir qızla rastlaşır.

Olivia adlı bu qız astrofizika üzrə təhsil alır. Zarafatla başlayan bu təsadüfi dialoq tezliklə dərin bir ünsiyyətə çevrilir. Bir-birini heç vaxt görməyən bu iki gənc düşüncələrinin nə qədər yaxın olduğunu anlayaraq gecə boyu söhbətlərini davam etdirirlər.

İtaliya istehsalı olan «Olivia» melodramının rejissoru həm də baş rollardan birini canlandıran Kosta Markodur. 2021-ci il ekran işində digər əsas obrazları Marko Kastaldi, Co Çampa və Lorentso De Ancelis ifa edib.