Sevir, sevmir

Bordo şəhərində yaşayan Anjelik kiçik bir kafedə ofisiant işləyir, eyni zamanda rəssamlıq üzrə təhsil alaraq ilk fərdi sərgisinə hazırlaşır. O, özünü çox bəxtəvər sayır, çünki təcrübəli və xeyirxah kardioloq Loik Le Qarrekə vurulub. Lakin həkimin ailəli olması vəziyyəti mürəkkəbləşdirir, hərçənd onun öz nikahında xoşbəxt olmadığı bildirilir.

Bir müddət sonra Loikin həyatı qəfil problemlərlə üzləşir. Hamilə həyat yoldaşı qəza nəticəsində körpəsini itirir, pasiyentlərindən biri isə həkimi hücum etməkdə günahlandırır. Hadisənin ardınca həmin qadının müəmmalı şəraitdə vəfat etməsi vəziyyəti daha da gərginləşdirir.

2002-ci ildə Fransada istehsal olunmuş «À la folie... pas du tout» filminin rejissoru Letisiya Kolombanidir. Ekran əsərində əsas rolları Odri Totu, Samyuel Le Byan, İzabel Karre və Sofi Qiymen canlandırıb.