Gözəl və bədheybət

Bazarda pomidor satan Varya Qvozdikova özünü qorumağı bacaran, sərt xasiyyətli gənc qadındır. Dağınıq görkəminə və kəskin dilinə görə ətrafdakılar ona «bədheybət» ləqəbini veriblər. Zəriflik nümayiş etdirməyə vaxtı da yoxdur: o, səhərdən axşamadək çalışır, qazancını isə içki düşkünü anası ilə onun əri mənimsəyir. Atasının sağ olduğu və dərslərini əla oxuduğu xoşbəxt günlər artıq çox geridə qalıb.

Növbəti iş günündə paytaxtdan gələn yaraşıqlı iş adamı İvan ilə mübahisə edib onun ayağını tapdalayan Varya bazardan qovulur. Qazancsız qaldığını görən anası da onu evdən bayıra atır. Beləliklə, Varya qəfil bir gündə həm işini, həm də gecələməyə yerini itirir.

«Krasavets i chudovishche» melodramı 2014-cü ildə Rusiyada rejissor İvan Krivoruçko tərəfindən ekranlaşdırılıb. Filmin baş rollarında Veronika Plyaşkeviç, Aleksey Anişşenko, Valeriya Şkirando və Artyom Davidoviç çəkiliblər.