Ürəyini bəzə

Şirkətin vitse-prezidenti olan Kris gözlənilmədən böyük bir malikanənin varisi olur. Qohumları Milad bayramını onun yeni evində keçirmək istəsələr də, iş adamının nə vaxtı, nə də bayram əhval-ruhiyyəsi var. Kris qonaqlığı yola vermək üçün tədbir təşkilatçısı Mereditlə anlaşıb bütün işləri ona həvalə edir.

Evi bəzəməyə və şənliyi planlaşdırmağa başlayan Meredit bu işə böyük həvəslə yanaşır. Hazırlıq prosesində Kris tədricən dəyişir, Miladın əsl ruhunu duymağa başlayır və Mereditlə aralarında səmimi duyğular yaranır.

Romantik «Deck the Heart» filmi 2021-ci ildə ABŞ-da istehsal olunub. Rejissor Kendis Kukun çəkdiyi layihədə əsas obrazları Eşli Brinkman, Kit, Lir Liri və Bart DeFinna canlandırıb.