Ofeliya

Hökmdarın qətlə yetirilməsindən sonra krallıq ağır günlərini yaşayır və hakimiyyəti qatil ələ keçirir. Taxtın həqiqi varisi olan Hamlet atasının intiqamını alacağına and içir. Qisas hissi ilə alışıb-yanan şahzadənin qəlbinə yalnız Ofeliya rahatlıq gətirə bilir.

Gənc qız sevdiyi insan uğrunda saray həyatından imtina etməyə və zülmkar hakimə qarşı çıxmağa cəsarət edir. Şahzadə və Ofeliyanın hissləri ölüm təhlükəsi qarşısında ciddi bir sınaqla üz-üzə qalır. Onlar amansız reallıqla mübarizədə sevgilərini qorumağa çalışırlar.

2018-ci ildə ekranlara çıxan «Ofeliya» tarixi melodram filminin quruluşçu rejissoru Kler Makkartidir. ABŞ və Böyük Britaniyanın birgə istehsalı olan bu ekran əsərində rolları Cozefin Oniyama, Brayan Stüart, Anezka Tumova və Nataniel Parker canlandırırlar.