Bohema

XIX əsrin sonlarında Parisdə dörd ehtiyac içində yaşayan dost — yazıçı Rodolfo, rəssam Marçello, musiqiçi Şonar və filosof Kollen tək bir çardaq otağını bölüşürlər. Milad gecəsi yoldaşları bayramı qeyd etmək üçün sevimli məkanlarına yollansalar da, Rodolfo yarımçıq məqaləsini tamamlamaq üçün evdə qalır. Bu zaman qapı döyülür və şam istəməyə gələn qonşusu Mimi gəncin qarşısına çıxır.

Rodolfo ilk baxışdan qızın gözəlliyinə heyran qalır və gənclər arasında güclü məhəbbət alovlanır. Duyğuların axarına qapılan sevgililər Miminin ölümcül xəstəliyinin tezliklə onları bir-birindən ayıracağından xəbərsizdirlər.

«Bohema» musiqili dramı Cakomo Puççininin eyniadlı operasının ekranlaşdırmasıdır. Almaniya və Avstriya istehsalı olan bu filmin rejissoru Robert Dornhelmdir. Baş rolları Anna Netrebko, Rolando Vilyason, Nikol Kebell və Titsiano Braççi canlandırırlar.