Cangüdən

Prezidentin təhlükəsizlik xidmətinin keçmiş əməkdaşı Frenk Farmer xidmətdən ayrılır. Dövlət başçısına qarşı sui-qəsd cəhdi onun işdə olmadığı vaxt baş verdiyi üçün o, baş verənlərdə özünü günahkar sayır. Dövlət mühafizəsini tərk etdikdən sonra Frenk fərdi sifarişlər üzərində işləməyə başlayır.

Frenk məşhur müğənni və aktrisa Reyçel Merronu qorumaq üçün işə götürülür. Sənətçi mütəmadi olaraq naməlum şəxslərdən təhdid dolu məktublar alır. Peşəkar cangüdən şou-biznes mühitində ulduzun təhlükəsizliyini təmin etmək üçün ciddi qaydalar tətbiq etməli olur.

ABŞ istehsalı olan «The Bodyguard» filmi 1992-ci ildə rejissor Mik Cekson tərəfindən çəkilib. Melodram, triller və musiqili janrları birləşdirən ekran əsərində baş rolları Kevin Kostner, Uitni Hyuston, Qari Kemp və Bill Kobbs canlandırıb.