Səmadan üç metr yüksəklikdə

On səkkiz yaşlı əlaçı tələbə Babi romantik xəyallarla yaşayır və həqiqi sevgisini tapacağına inanır. On doqquz yaşlı Step isə tamam başqa bir həyat tərzi sürür: o, evini tərk edərək küçə dəstəsinə qoşulub və aqressiv bir gənc kimi tanınır. Təsadüfi tanışlıq zamanı bu iki tamamilə fərqli gənc arasında dərhal qarşılıqlı nifrət yaranır.

Zaman keçdikcə gənclərin münasibəti dəyişir və onlar bir-birlərinə dəlicəsinə bağlanırlar. Təxminən bir il ərzində aralarındakı bağ güclənir və münasibətləri gözəl bir nağıla çevrilir. Lakin bu hisslərin uzun müddət davam etməsi o qədər də asan olmur.

2004-cü il istehsalı olan «Tre metri sopra il cielo» italyan filminin rejissoru Luka Luçinidir. Melodram janrındakı ekran əsərində baş rolları Rikkardo Skamarço, Keti Luiza Sonders, Mariya Kyara Aucenti və İvan Bakki canlandırıb.