Sevimli

Məktəbi yenicə bitirən İra təhsilini institutda davam etdirməyi planlaşdırırdı. Lakin gənc inşaatçı Volodya ilə tanışlıq onun bütün fikirlərini dəyişir. Hisslərinin arxasınca gedən gənc qız da onun kimi tikintidə işləmək qərarına gəlir.

İranın işə qarşı dürüst və son dərəcə məsuliyyətli yanaşması briqadir Blyaxinin xoşuna gəlmir. Tezliklə yaranan fikir ayrılıqları açıq münaqişələrə çevrilir. İş yerindəki bu çətinliklər qızın sevdiyi gənclə olan münasibətlərinə də mənfi təsir göstərməyə başlayır.

1965-ci ildə SSRİ-də lentə alınan «Sevimli» filminin quruluşçu rejissoru Riçard Viktorovdur. Melodram janrında olan ekran əsərində baş rolları Aleksandra Nazarova, Vitali Solomin, İqor Dobrolyubov və Svetlana Drujinina canlandırıblar.