Ailənin ən yaxşı dostu

Səksəninci illərdə uşaq evində böyüyən üç dost məzun gecəsində gələcək arzularını bölüşürlər. Vera ailə qurub ana olmaq istədiyini bildirir, Qrişa və Sergey isə zarafatla onlardan birinin onun həyat yoldaşı, digərinin isə ailənin ən yaxın dostu olacağını deyirlər. Həyata atılan gənclərdən oğlanlar hərbi məktəbə, Vera isə pedaqoji instituta daxil olur.

Hər iki gənc qızın qəlbini fərqli yollarla qazanmağa çalışır, lakin taleyin planları tamam başqa cür cərəyan edir. Əsgərlik dövründə onlar Əfqanıstana göndərilirlər, bu ərəfədə isə Vera övlad dünyaya gətirəcəyini öyrənir. «Лучший друг семьи» filminin qəhrəmanları illər boyu xəyanət, tənhalıq, qısqanclıq, itki və yenidən oyanan hisslərlə üzləşirlər.

Rusiyada çəkilmiş bu melodramın rejissoru Aleksandr Yefremovdur. 2011-ci ildə ekranlara çıxan ekran əsərində baş rolları Sergey Muxin, Qlafira Tarxanova, Olqa Suxareva və Dmitri Muxin canlandırıb.