İnandırma

Ser Uolter Elliotun ifrat xərcləri ailəsini çətin iqtisadi duruma salır. Borclar üzündən onlar ata-baba mülkü olan Killinç-holu kirayə verərək Bata köçmək qərarına gəlirlər. Malikənənin yeni sakinləri admiral Kroft və onun xanımı olur. Admiralın qaynı isə donanma zabiti Frederik Uentuortdur. İllər öncə Uolterin ortancıl qızı Enn Elliot bu gənclə nişanlansa da, nəsihətçisi ledi Rassellin təkidi ilə kasıb sayılan zabitlə münasibətinə son qoymuşdu.

Aradan səkkiz ildən artıq vaxt keçib. Napoleon müharibələrində sərvət qazanan kapitan Uentuort cəmiyyətə nüfuzlu bir şəxs kimi qayıdır. Bu qayıdış keçmiş sevgilisindən imtina etmiş Enn üçün gözlənilməz və qaçılmaz bir üzləşməyə çevrilir.

1971-ci ildə ekranlara çıxan «Persuasion» tarixi filmi Böyük Britaniyada rejissor Hovard Beyker tərəfindən çəkilib. Əsas rolları Enn Fərbenk, Brayan Marşall, Merien Spenser və Riçard Vernon canlandırıblar.