Əziz qızım

Veronika atasız böyüyüb: iyirmi il əvvəl həmin kişi hamilə anasını tərk edib və qadın vaxtından əvvəl baş verən doğuş zamanı dünyasını dəyişib. Qızı xalası tərbiyə edərək boya-başa çatdırıb. Artıq yetkin yaşa çatan Veronika xalasından öyrənir ki, atası Fyodor Slavyanov hazırda Moskvada yaşayır, alimdir və böyük bir elmi-tədqiqat institutuna rəhbərlik edir. Qız anasının ölümünə görə ondan intiqam almaq qərarına gəlir.

Baş qəhrəman paytaxta yollanaraq atasının mülkündə xadimə kimi işə düzəlir. İçindəki qəzəbi qorumağa çalışan qız atasına nifrət hissi aşılamağa və gizli planını həyata keçirməyə çalışır. Lakin Fyodorun oğlu Vladimirin evə qayıtması vəziyyəti dəyişir, çünki gənc oğlan Veronikaya ilk baxışdan aşiq olur. Eyni zamanda, sevgiyə çatmaq üçün hər cür əxlaq sərhədlərini aşmağa hazır olan yetimxana məzunu Olya da hadisələrə qoşulur.

«Əziz qızım» adlı melodram filmi 2011-ci ildə Rusiyada çəkilib. Ekran əsərinin rejissoru Cəfər Axundzadədir. Əsas rolları Yevgeniya Loza, İvan Jidkov, Anna Bequnova və Vladimir Simonov canlandırıblar.