Sözlərlə İfadə Edilməyən Sevgi

Baytarlıq fakültəsinin məzunu Tonq Jiliao kənd təsərrüfatı şöbəsində oxuyan Qu Binə aşiqdir. Hisslərini birbaşa etiraf etməkdən çəkinən qız artıq dörd ildir ki, sevgisini kağıza köçürür, lakin yazdığı məktubları heç vaxt sahibinə göndərmir.

Universiteti bitirməyə az qalmış Qu Bin nəhayət həmin qeydlərdən birini əldə edir. Bununla belə, gənc oğlan yazılanları tamamilə səhv anlayaraq Tonq Jiliaonun onun dostunu sevdiyini düşünür. Bu yanlış anlaşılma qızın həyatını gözlənilməz qarışıqlığa sürükləyir.

Romantik dram filmi «Yi zhi yi zhi dou hen xi huan ni» 2022-ci ildə Çində lentə alınıb. Layihənin rejissoru U Tszyakaydır. Əsas obrazları Cou İjan, U Nenxuan, Qen Tszyun və Karmen Tun canlandırıblar.