İntim təklif etməyin

İmkanlı iş adamı İqor Petroviç oğlunun məsuliyyətsiz həyat tərzindən bezir. Növbəti dəfə model qıza külli miqdarda pul xərcləndiyini görən ata sərt addım atmaq qərarına gəlir. O, oğlunun bank kartlarını bloklayır və mənzili təmizləyib yemək bişirən xadiməni işdən çıxarır. Ata düşünür ki, rahatlığa öyrəşmiş İvan bu vəziyyətdən çıxış yolu kimi ailə qurmağı seçəcək.

Lakin gənc oğlan azad həyatından imtina etmək və evlənmək fikrində deyil. O, öz qaydaları ilə yaşamağa davam etmək istəyir. Məhz bu vaxt onun qarşısına Marusya adlı qız çıxır və hadisələr gözlənilməz istiqamət alır.

«İntim təklif etməyin» filmi 2016-cı ildə Rusiyada rejissor Oleq Ştrom tərəfindən çəkilib. Melodram janrında olan ekran əsərində əsas rolları Stanislav Bondarenko, Anastasiya Savosina, Sergey Çonişvili və Qalina Petrova canlandırır.