Səndən ötrü dəli oluram

Radio stansiyası bağlanmaq təhlükəsi ilə üzləşir və təcili maliyyə vəsaiti tapılmalıdır. Radio aparıcısı Leysi çıxış yolu kimi subay kişilər arasında xeyriyyə məqsədli yemək bişirmə müsabiqəsi təşkil etməyi qərara alır. Lakin tədbirin əsas ulduz iştirakçısı qəfil imtina etdikdə bütün planlar təhlükə altına düşür.

Layihəni xilas etmək istəyən Leysi biznesmen və proqramçı olan Zaka müraciət edir. Əsas çətinlik isə ondadır ki, gənc mütəxəssis mətbəxdən tamamilə bixəbərdir və yemək hazırlamağı qətiyyən bacarmır.

ABŞ istehsalı olan «Falling for You» filmi 2018-ci ildə ekranlara çıxıb. Romantik ekran əsərinin rejissoru Piter DeLuisdir, baş rollarda isə Teylor Koul, Tayler Hayns, Lini Evans və Kris Şilds çəkiliblər.