Sita

Öz maraqlarını hər şeydən üstün tutan iş xanımı Sita Mahalakşmi yeni ticarət mərkəzinin inşası üçün lazım olan torpaq sahəsini azad etməyə çalışır. Məsələni həll etmək naminə o, nüfuzlu siyasətçi Basavaracu ilə anlaşır. Həmin şəxs yardım müqabilində Sitadan bir ay boyunca onunla bir yerdə yaşamağı tələb edir.

Plan həyata keçdikdən sonra qadın vədini yerinə yetirməkdən boyun qaçırır və siyasətçiyə olan borcunu pulla bağlamağa çalışır. Maddi vəziyyətini düzəltmək istəyərkən Sita atasının bütün sərvətini uşaqlıqdan monastırda böyümüş sadəlövh qohumu Raqhurama vəsiyyət etdiyini öyrənir. İndi o, təqibdən yaxa qurtarmaq üçün nəyin bahasına olursa-olsun Ramı tapmalı və sənədlərə hiylə ilə qol çəkdirməlidir.

«Sita» adlı Hindistan melodram filmi 2019-cu ildə işıq üzü görüb. Ekran əsərinin rejissoru Teca, baş rol ifaçıları isə Kayal Aqqarval, Sai Şrinivas Bellamkonda, Meena Kumari və K. Bhaqyaracadır.