Qəzet paylayan

Meqha adlı gənc qız sağalmaz genetik xəstəliyə tutulduğunu və yaşamaq üçün az vaxtının qaldığını öyrənir. Həyatına məna qatmaq istəyən qız məbədlərin birində təsadüfən kiminsə gündəliyindən qopmuş bir vərəq tapır. Bu qeydlər onda böyük maraq oyadır və o, dəftərin özünü axtarıb taparaq oradakı məhəbbət hekayəsini oxumağa başlayır.

Yazılarda qəzet paylayan sadə gənc Ravi ilə zəngin ailədən olan Dharani arasındakı hisslərdən bəhs edilir. Sevgililərin qarşısında ailələrinin sosial və maddi təbəqə fərqi böyük maneəyə çevrilir. Ən həyəcanlı yerdə gündəliyin qəfildən bitdiyini görən Meqha bu hekayənin qəhrəmanlarını şəxsən tapmaq qərarına gəlir.

2019-cu ildə Hindistanda istehsal olunmuş «Paper Boy» filminin rejissoru V. Jayashankarrdır. Bu melodram janrlı ekran əsərində baş rolları Santosh Sobhan, Priya Shri, Riya Suman və Tanya Hope canlandırıblar.