Maşa

Elmlər namizədi Maşanın bütün günləri elmi fəaliyyətə və böyüyən oğlunun qayğısına həsr olunub. O, institutda böyük elmi işçi işləyir, repetitorluqla məşğul olur və məktəbi bitirmək ərəfəsində olan övladının imtahanlarından narahatlıq keçirir. Çünki imtahanları verə bilməmək gəncin ordu sıralarına çağırılması ilə nəticələnə bilər.

Qadının həyatına Aleksey daxil olduqdan sonra Maşa yenidən unudulmuş hissləri yaşamağa başlayır. Lakin onun oğlu anasının sevgilisini qətiyyən qəbul etmək istəmir. Aleksey ilə yeniyetmə arasındakı söhbət davaya çevrilir və bundan sonra gənc tamamilə nəzarətdən çıxır. «Maşa» filminin baş qəhrəmanı şəxsi səadəti ilə oğlunun gələcəyi arasında seçim etmək məcburiyyətində qalır.

2012-ci ildə ekranlara çıxan Rusiya istehsalı melodramın rejissoru Aleksey Prazdnikovdur. Layihədə əsas rolları Olqa Lomonosova, Yevgeni Pronin, Aleksey Mışinski və Natalya Burmistrova canlandırıblar.