Addım atıram

Gənc müəllim Saşa Makarov paytaxtın nüfuzlu məktəbində dərs demək arzusunda olsa da, həyat onu doğma Pskov şəhərinə qaytarır. O, vaxtilə özünün oxuduğu təhsil ocağında işləmək məcburiyyətində qalır. Burada gənc müəllimi çətin xarakterli şagirdlər və ona açıq şəkildə nifrət edən dərs hissə müdiri qarşılayır.

Ətrafdakı insanlara etibar etməyən Saşanın yeganə dayağı uşaqlıq rəfiqəsi olur. Bu münasibət tədricən sevgiyə çevrilməyə başlasa da, hisslər dürüstlük tələb edir. Lakin Saşanın bütün dünyadan gizlətdiyi böyük bir sirri var.

«Addım atıram» (Я делаю шаг) filmi 2023-cü ildə Rusiyada ekranlaşdırılıb. Melodram janrında olan filmin rejissoru Olqa Akatyevadır, baş rolları isə Sergey Novosad, Anastasiya Talızina, Mariya Aronova və Ravşana Kurkova canlandırıb.