Daegwanramcha

Cənubi Koreya şirkətinin əməkdaşı Ucu gəmi qəzasında itkin düşmüş müdiri Təconun yarımçıq qalmış işlərini yekunlaşdırmaq üçün Osakaya yollanır. Ezamiyyətin sonuncu günü küçədə qəfil keçmiş rəhbərinə bənzəyən bir şəxslə qarşılaşır. Həmin adamın arxasınca düşən Ucu tezliklə onu izdihamın içində itirir.

Yolunu azan qəhrəman eşitdiyi gitara səsinin ardınca gedərək "Pier 34" adlı kiçik məkana daxil olur. Bar sahibi ona yoxa çıxmış müdirini xatırladır, ifa olunan melodiya isə keçmiş xatirələri canlandırır. Gecəni içki içərək keçirən Ucu uçuş vaxtını qaçırır, işindən istefa verərək bu şəhərdə qalmağa qərar verir.

«Daegwanramcha» filmi 2018-ci ildə ekranlara çıxıb və melodramla musiqi janrlarını birləşdirir. Koreya və Yaponiya istehsalı olan ekran işinə Pek Çe-ho və Li Hi-sop rejissorluq edib. Əsas rolları Kan Du, Haruna Hori, Ci De-han və Nagiko Tsuci canlandırıb.