Çörək, avtobus və ikinci ilk məhəbbət

Gənc çörəkçi Fumi hələ uşaq ikən heç vaxt ailə qurmamağa qərar verib. Hisslərin hər an bitə biləcəyinə inanan qız uzun müddətdir görüşdüyü sevgilisinin evlilik təklifini dərhal rədd edir. Ayrılıq onu sarsıtmır, çünki təsadüfən qarşısına məktəb illərində dəlicəsinə sevdiyi gənc çıxır.

Sadə bir avtobus sürücüsü kimi çalışan bu tanış isə evliliyə tamamilə fərqli yanaşır. O, nikahı ömürlük fədakarlıq saydığı üçün onu tərk edib başqasına ərə getməyə hazırlaşan arvadının gedişini qəbul edə bilmir. Hər ikisi tənhalaşan qəhrəmanlar dərdlərini bölüşərək öz baxışlarını gerçək həyatın tələbləri ilə uzlaşdırmağa çalışırlar.

2017-ci ildə çəkilmiş «Pan to Bus to Nidome no Hatsukoi» filmi Yaponiya istehsalı olan melodramdır. Ekran əsərinin rejissoru Rikiya İmaizumi, baş rol ifaçıları isə Mai Fukaqava, Kenciro Yamaşita, Sayuri Matsumura və Mai Şiraişidir.