İkinci yay, səni bir daha görməyəcəyəm

Yuxarı sinif şagirdi Satoşi məktəbə yeni gələn Rin adlı qızla birlikdə mədəniyyət festivalına hazırlaşmağa başlayır. Təhsil ocağında musiqi qrupları yaratmaq qadağan edilsə də, gənclər bu qaydaya məhəl qoymurlar. Onlar birlikdə uğurla çıxış edirlər, lakin festival bitdikdən sonra Rinin başına bədbəxt hadisə gəlir.

Baş verənlərdən sarsılan Satoşi gözlənilmədən keçmişə qayıtmaq imkanı əldə edir. O, Rin ilə ilk dəfə tanış olduğu günə düşür. Beləliklə, oğlan keçmişdə baş vermiş hadisələri dəyişdirməyə və qızı xilas etməyə çalışır.

«Nidome no natsu, nidoto aenai kimi» adlı yapon melodram filmi rejissor Kenji Nakanishi tərəfindən lentə alınıb. Ekran işi 2017-ci ildə işıq üzü görüb. Baş rolları Nijiro Murakami, Madoka Yoshida, Manami Honjo və Rena Kato canlandırıblar.