G-Funk

1990-cı illərin əvvəllərində Los-Ancelesdə uşaqlıq dostları Warren G, Snoop Dogg və Nate Dogg birləşərək 213 adlı qrup yaradırlar. Onlar fank, motaun və qanqsta-rep tərzlərini birləşdirərək tamamilə fərqli bir musiqi axını formalaşdırırlar. Bu yeni səslənmə tezliklə Dr. Dre-nin rəhbərlik etdiyi Death Row Records leyblının diqqətini cəlb edir.

Şirkət heyətdən yalnız iki ifaçı ilə müqavilə bağlayır və Snoop Dogg ilə Nate Dogg qısa müddətdə qlobal şöhrət qazanırlar. Kənarda qalan Warren G isə böyük dəstəkdən məhrum olur. Musiqiçi doğma Lonq-Biç şəhərinə qayıdaraq rep dünyasında öz yolunu müstəqil şəkildə açmağa qərar verir.

ABŞ istehsalı olan bu musiqili sənədli filmin rejissoru Karam Gilldir. 2017-ci ildə ekranlara çıxan «G-Funk» filmində Snoop Dogg, Ays Kyub, Ays-Ti və Dreyk kimi tanınmış sənətçilər yer alıb.