Sintveyvin yüksəlişi

1980-ci illərin pop mədəniyyətindən güc alan elektron musiqi cərəyanı ilk vaxtlar yalnız internetin qapalı künclərində səslənirdi. «The Rise of the Synths» sənədli filmi retro üslublu bu yeni dalğanın şəbəkə təcrübələrindən geniş kütlələrin rəğbətinə qədər keçdiyi yolu diqqət mərkəzinə gətirir.

Ekran əsəri qısa zamanda internet andeqraundundan çıxaraq qlobal səviyyədə populyarlaşan bütöv bir musiqi hərəkatının təkamülünü təsvir edir. Layihədə janrın formalaşmasında rolu olan müxtəlif yaradıcı simalar öz fikirlərini bölüşür.

2019-cu il istehsalı olan bu musiqili filmi ABŞ və İspaniya kinematoqrafçıları ərsəyə gətirib, rejissor kürsüsündə isə İvan Kastel əyləşib. Çəkilişlərdə Con Karpenter, Ruben Martines, Con Berqin və Nina Boldt iştirak ediblər.