The Devil Inside

İllər öncə Mariya Rossi təcili yardım xidmətinə zəng edərək üç nəfəri qətlə yetirdiyini etiraf edir. Aradan iyirmi il keçdikdən sonra qadının qızı İzabella həmin gün əslində nələrin baş verdiyini öyrənməyə qərar verir. Həqiqəti üzə çıxarmaq istəyən gənc qız anasının saxlanıldığı İtaliyadakı ruhi xəstəxanaya yollanır.

İzabella bu mürəkkəb məsələdə ona yardım etmələri üçün iki gənc keşişə müraciət edir. Onlar qeyri-ənənəvi metodlarla xəstənin bədənindən şər qüvvəni çıxarmaq niyyətindədirlər. Lakin ayin zamanı din xadimləri gözlənilməz təhlükə ilə üzləşirlər, çünki Mariyanın bədəninə eyni vaxtda dörd qüdrətli iblis hakim kəsilib.

ABŞ istehsalı olan «The Devil Inside» qorxu filmi 2012-ci ildə ekranlara çıxıb. Ekran əsərinin rejissoru Uilyam Brent Belldir. Baş rolları Fernanda Andrade, Saymon Kuoterman, İvan Helmut və Yonut Qrama canlandırıblar.