Qorxulu şkaf

Həyat yoldaşını avtomobil qəzasında itirən memar San-von on bir yaşlı qızı İ-na ilə birlikdə yeni evə köçür. Ağır itkidən sonra ata tez-tez təşviş hücumları keçirir, içinə qapanan qızcığaz isə ətrafındakılarla ünsiyyətdən qaçır. Lakin yeni məkanda uşağın əhvalı tədricən düzəlməyə başlayır.

İşləri başından aşan memar qızını incəsənət düşərgəsinə göndərmək qərarına gəlir və bu addım onların arasında kəskin mübahisəyə səbəb olur. Həmin hadisədən qısa müddət sonra İ-na otağından qəfil yoxa çıxır. Polisin axtarışları nəticə vermədikdə, San-vonun yanına gələn qeyri-adi bir araşdırmaçı uşağın şkaf tərəfindən aparıldığını bildirir.

2020-ci ildə ekranlara çıxan «Qorxulu şkaf» (Keullojet) filminin rejissoru Kim Qvan-bindir. Cənubi Koreya istehsalı olan qorxu filmində əsas rolları Ha Con-u, Kim Nam-qil, Ho Yul və Kim Şi-a canlandırıb.