Gecə növbəsində

Universitet tələbəsi Yukino əlavə qazanc əldə etmək üçün gecə-gündüz fəaliyyət göstərən mağazada gecə növbəsində işləməyə başlayır. Rəflərə malların düzülməsi və tək-tük alıcılara xidmət kimi adi iş axarı mağazaya qəribə bir bağlama gətirildikdən sonra pozulur. Bağlamanın içindəki SD-kartı işə salan gənc qız qeyri-müəyyən və bulanıq təsvirli dəhşətli qətl videosu ilə qarşılaşır.

Bu qorxulu görüntülərə baxdıqdan sonra Yukinonun növbələri zamanı müəmmalı və izaholunmaz hadisələr baş qaldırır. İş yerində ard-arda baş verən qəribəliklər gecə saatlarının ab-havasını tamamilə dəyişir.

«Yakin Jiken» («Gecə növbəsində») filmi 2026-cı ildə Yaponiyada rejissor Jiro Nagae tərəfindən qorxu janrında lentə alınıb. Baş rollarda Kotona Minami, Terunosuke Takezai, Tetta Seki və Shunsuke Tanaka çəkiliblər.