Kabus qatar

Şəhər əfsanələrindən bəhs edən kanalın əvvəlki populyarlığı itdikcə, onun aparıcısı baxış sayını artırmaq üçün yeni mövzular axtarışına çıxır. Çıxış yolunu qorxulu rəvayətlərdə görən gənc qadın metro stansiyasında çalışan yaşlı nəzarətçiyə müraciət edir və ondan mistik hadisələri danışmasını xahiş edir.

Stansiya işçisi razılaşır və Qvannim platformasında baş vermiş dəhşətli, sirli hadisələrdən söz açmağa başlayır. Qocanın bölüşdüyü hər bir əhvalat yeraltı stansiyada cərəyan edən qorxulu təcrübələrin üstünü açır.

Cənubi Koreya istehsalı olan «Goegiyeolcha» dəhşət filmi 2024-cü ildə rejissor Thak Se-un tərəfindən çəkilib. Filmin əsas rollarında Çu Hyon-yon, Con Be-su, Çhve Bo-min və Con Han-bit yer alır.