American Psychopath

Keti uzun müddətdir görmədiyi atası ilə münasibətlərini bərpa etmək üçün tanımadığı şəhərətrafı qəsəbəyə yollanır. Yolu azan gənc qız maskalı naməlum seriyalı qatilin hücumuna məruz qalır və qaçırılır. O, xəstəxanada ayılsa da, yaddaşını tamamilə itirdiyini, kim olduğunu və başına nələrin gəldiyini xatırlamadığını anlayır.

Sağ qalan Ketinin başına gələnlər dərhal xəbər proqramlarının diqqət mərkəzinə çevrilir. Qatil yeni bir hücum etmədən əvvəl o, itirilmiş xatirələrini bərpa etməyə və həqiqəti üzə çıxarmağa çalışır.

ABŞ istehsalı olan «American Psychopath» qorxu filmi 2025-ci ildə rejissor Frenk Palanci tərəfindən çəkilib. Ekran əsərində baş rolları Debonney Meyers, Rob Hanqerford, Tereza Tatl və Breydi Hern canlandırırlar.