Sən buradasan?

Dörd gənc dost — Lun, Min, Kyeon və Fan kompüter oyunları və proqram təminatı hazırlayan startap təsis edirlər. Lakin işlər qaydasında getmir və şirkət tezliklə borclar üzündən müflisləşmə həddinə çatır. Çıxılmaz vəziyyətdə onların qarşısına Von soyadlı varlı bir qadın çıxır. O, vəfat etmiş oğlunun yarımçıq qalmış layihəsini tamamlamaq müqabilində dostlara böyük məbləğdə qonorar təklif edir. Bu layihə nəlbəki ilə ruh çağırma ayininin mobil tətbiq versiyasıdır.

Borclardan qurtulmaq istəyən gənclər tətbiqi tamamlamağa və sınaqdan keçirməyə razılaşırlar. Proqram işə düşdükdən az sonra iştirakçılar qorxulu fövqəltəbii hadisələrlə üz-üzə qalırlar. Baş verən qəribəliklər qəhrəmanların keçmişindəki qaranlıq sirləri də bir-bir üzə çıxarır.

«Sən buradasan?» (Dip sin dip sin) qorxu filminin rejissoru Cill Vondur. Ekran işi 2015-ci ildə Honkonqda istehsal olunub. Əsas obrazları Li Yat-Lon, Helena Lo, Tin Çi Lo və Semmi Sum canlandırıblar.