Dairədən çıxma

Qreq qızı Sem ilə meşədə istirahət edərkən vəhşi heyvanın hücumuna məruz qalır. Xoşbəxtlikdən yaxınlıqdakı adamlar köməyə çataraq yaralanmış atanı öz məskənlərinə aparırlar. Huşu özünə qayıdan ata qəribə bir icmanın içinə düşdüyünü başa düşür.

İlk baxışdan bu təriqət üzvləri zərərsiz görünür və hətta Semin rəğbətini qazanır. Lakin həmin axşam ərazidə gəzişən Qreq dəhşətli bir səhnə ilə qarşılaşır. O, təriqətçilərin öz yoldaşlarından birini bağlayaraq diri-diri yediyini öz gözləri ilə görür.

Kanada istehsalı olan «Welcome to the Circle» qorxu filmi 2020-ci ildə Devid Fauler tərəfindən çəkilib. Ekran əsərində baş rolları Sindi Basbi, Maykl Rocers, Hezer Dorksen və Andrea Bruks canlandırıblar.