Gümüş güllə

Sakit bir Amerika qəsəbəsində bədirlənmiş ay çıxan gecələr qorxunc qətllər törədilir. Qaranlıqda peyda olan naməlum və tüklü bir varlıq yerli sakinləri vəhşicəsinə məhv edir. Qatili yaxalamaq üçün yola çıxan könüllülər də bu sirli bədheybətin qurbanına çevrilirlər.

Əlil arabasına məhkum olan 13 yaşlı Marti bu qaniçən məxluqu öz gözləri ilə görür və hətta onun gözünü yaralamağı bacarır. Yeniyetmə əmindir ki, bütün bu ölümlərin arxasında yalnız gümüş güllə ilə məhv edilə bilən qulyabanı dayanır. Ətrafdakılar oğlanın sözlərinə inanmasalar da, əmisi Red ona dəstək olur və onlar qulyabanının növbəti hücumuna hazırlaşırlar.

«Silver Bullet» («Gümüş güllə») adlı qorxu filmi 1985-ci ildə nümayiş olunub. Ekran əsərinin quruluşçu rejissoru Deniel Ettiesdir, istehsal prosesində isə ABŞ, İtaliya və Hollandiya Antil adaları iştirak edib. Əsas obrazları Meqan Follouz, Culius LeFlor, Pol Batler və Robin Qrov canlandırıblar.