Abatuar. Qorxu labirinti

Ailəsinin qətlə yetirildiyi evə qayıdan Culiya dəhşətli cinayətin baş verdiyi otağın sadəcə yox olduğunu görür. Sevgilisi Deklan ilə birlikdə araşdırma aparan gənc qadın öyrənir ki, oxşar hadisələr başqa faciəli məkanlarda da təkrarlanıb və qanlı hadisələrin yaşandığı otaqlar naməlum şəkildə yoxa çıxıb.

Bu zaman kimsə həmin otaqları toplayaraq nəhəng və sonsuz bir labirint inşa edir. Ruhlarla dolu bu qorxunc məkanda ailəsinin başına gələnləri aydınlaşdırmaq üçün Culiya həmin binanın qapısından içəri keçməli və oradakı bütün tələlərlə üzləşməlidir.

«Abattoir» qorxu filmi 2015-ci ildə ABŞ-da istehsal olunub və rejissor Darren Linn Bousman tərəfindən çəkilib. Baş rolları Cessika Launds, Cey Hyuculi, Li Hennesi və Karl Palmer canlandırıblar.