Qonaq

Koreya müharibəsi başa çatdıqdan sonra axsaq musiqiçi azyaşlı oğlu ilə birlikdə ölkə boyu səyahət edir. Uzun yol onları dağların qoynunda gizlənmiş ucqar bir kəndə gətirib çıxarır və yolçular burada bir neçə gün qalmaq üçün sığınacaq istəyirlər.

Kəndin ağsaqqalı onların qalmasına icazə versə də, nəsə gizlətdiyi dərhal hiss olunur. Çox keçmir ki, kəndlilərin böyük bir bəla ilə üz-üzə qaldığı məlum olur: gecələr siçovullar insanlara, ən çox da uşaqlara hücum çəkir.

«Qonaq» (Sonnim) adlı Cənubi Koreya qorxu filminin rejissoru Kim Qvan-thedir. 2015-ci ildə ekranlara çıxan filmin əsas rollarında Ryu Sın-nyon, Li Son-min, Li Cun və Çhon U-hi çəkiliblər.