Piglet

Bir qrup rəfiqə ad gününü qeyd etmək üçün şəhərdən kənardakı kottecə yollanır. Qapıda qan içində olan yaralı bir adamın peyda olması şənliyi yarımçıq qoyur. Həmin şəxs meşədə nəhəng bir qabanın hücumuna məruz qaldığını söyləyir. Qızlar dərhal ətraf meşələrdə gizlənən və Donuzbalası ləqəbi ilə tanınan donuzbaşlı bədheybət haqqındakı yerli əfsanəni xatırlayırlar.

Çağırışa gələn polis əməkdaşı vəziyyəti araşdıraraq qızları bunun sadəcə bir təsadüf olduğuna inandırır. Qonaqlar sakitləşərək bayramı davam etdirmək qərarına gəlirlər. Lakin tezliklə qaniçən bədheybət meşə cəngəlliyindən çıxır və evin sakinlərinə qarşı amansız ovuna başlayır.

Böyük Britaniya istehsalı olan «Piglet» qorxu filmi 2024-cü ildə işıq üzü görüb. Ekran əsərinin rejissoru Andrea M. Katinelladır. Əsas rolları Ema Ekeyt, Tommo Thomas, Alina Varakuta və Şeyli Reyqan canlandırıblar.