İşdən çıxarılma

Joy Mittal Londonun böyük şirkətlərindən birində rəhbər vəzifədə çalışan sərt bir idarəçidir. Maliyyə çətinlikləri və yaxınlaşan böhran fonunda şirkətin nüfuzunu qorumaq istəyən menecer yüzdən çox işçini ixtisar etmək qərarına gəlir. İşini itirənlər arasında onun şəxsi münasibətdə olduğu gənc əməkdaş Rubi də var.

Zahirən soyuqqanlı görünən Joy əslində ağır psixoloji sarsıntılar keçirir, güclü dərmanlar qəbul edir və qəfil aqressiya tutmalarından əziyyət çəkir. Belə qərarlarla dolu gərgin iş gününün sonunda, gecə vaxtı binanı tərk edib evinə yollanmaq istəyən qəhrəman qəflətən ofisdən çıxa bilmədiyini anlayır.

«Fired» qorxu filmi 2010-cu ildə Hindistan istehsalı olaraq rejissor Sacit Varriyer tərəfindən lentə alınıb. Layihədə əsas rolları Sendip Şarma, Paul Lavers, Dennis Santuççi və Nickul Hathi canlandırıb.