Noroi

Jurnalist Masafumi Kobayaşi fəaliyyətini paranormal hadisələri araşdırmağa həsr edib. Növbəti çəkiliş prosesi qonşu evdən gələn qəribə səslərdən şikayətlənən bir evdar qadının müraciəti ilə başlayır. Operatoru ilə birgə hadisə yerinə yollanan müxbir baş verənləri qeydə almağa çalışır.

Sonrakı axtarışlar zamanı Kobayaşi bir-biri ilə əlaqəsiz görünən müxtəlif insanlarla qarşılaşır. O, fövqəltəbii qabiliyyətləri olan on yaşlı qızcığaz, medium rolunu oynayan aktrisa və folqa papaqlı qəribə ekstrasenslə görüşür. Tədricən bu ayrı-ayrı hadisələr vahid və qorxunc bir zəncir təşkil etməyə başlayır.

«Noroi» qorxu filmi 2005-ci ildə Yaponiyada rejissor Koji Shiraishi tərəfindən lentə alınıb. Baş rolları Satoru Jitsunashi, Tomono Kuga, Jin Muraki və Miyoko Hanai canlandırıb.