Sadako

Bir qadın azyaşlı qızını öldürmək məqsədilə mənzilində yanğın törədir və bu hadisə zamanı özü həyatını itirir. Bir müddət sonra küçədə tapılan sağ qalmış uşaq gənc psixoloq Mayu Akikavanın çalışdığı xəstəxanaya gətirilir. Polis balaca pasiyenti dindirə bilməsə də, Mayu onun psixokinetik qabiliyyətlərə sahib olduğunu müşahidə edir.

Eyni vaxtda Mayunun əyləncəli videoçarxlar hazırlayan bloqqer qardaşı baxış sayını artırmaq üçün yeni çəkiliş axtarışına çıxır. O, kabusların dolaşdığı barədə şayiələr gəzən həmin yanmış mənzilə yollanaraq video çəkmək qərarına gəlir.

2019-cu ildə çəkilmiş «Sadako» filmi Yaponiya istehsalı olan qorxu janrındadır. Ekran əsərinin rejissoru Hideo Nakatadır, baş rollarda isə Ren Kiriyama, Eliza Ikeda, Hitomi Sato və Himeka Asami çıxış edir.