Qarğış: Ağ geyimli qarı

İmtahanlardan kəsilən gənc gözlənilmədən bütün ailəsini amansızcasına qətlə yetirir. Bu qanlı hadisədən əvvəl o, müəmmalı bir səsin ona əmr verdiyi kaseti dinləyirmiş. Dəhşətli cinayəti törətdikdən sonra oğlan meşəyə gedərək həyatına son qoyur.

O, intihar etməzdən qabaq diktofonu işə salır və canvermə anlarını lentə alır. Bununla da qarğış oyanır və yeni qurbanlara doğru yayılmağa başlayır. «Ju-on: Shiroi rojo» filmi qəzəbdən və qətldən doğan qaranlıq qüvvələrin fəsadlarını nümayiş etdirir.

2009-cu ildə Yaponiyada çəkilmiş bu qorxu filminin rejissoru Ryuta Miyakudur. Baş rollarda Aimi Nakamura, Tsuyoshi Muro, Hiroki Suzuki və Mihiro çıxış edir.