Qorxu labirinti

Bir qrup yeniyetmənin əyləncə parkına gəzintisi gözlənilməz faciə ilə nəticələnir. «Qorxu labirinti» adlı yeni attraksionda Yuki adlı qız bədbəxt hadisə ilə üzləşir. Bərk qorxuya düşən sinif yoldaşları ona kömək etmək əvəzinə hadisə yerindən qaçır və hər şeyi unutmağa çalışırlar.

Bu hadisədən on il ötür, lakin keçmiş onları rahat buraxmır. İllər sonra Yuki geri qayıdır və keçmiş dostlarının canını almaq üçün onların izinə düşür. Gənclər vaxtilə atdıqları addımın əvəzini ödəmək məcburiyyətində qalırlar.

Yaponiya istehsalı olan «Qorxu labirinti» qorxu filmi 2009-cu ildə rejissor Takashi Shimizu tərəfindən çəkilib. Ekran əsərində əsas rolları Misako Renbutsu, Erina Mizuno, Ryo Katsuji və Suzuki Matsuo canlandırıblar.