Körpə blüzü

Gənc cütlük yeni aldıqları evə köçərək birlikdə yaşayacaqları gələcəyə hazırlaşır. Əvvəlki sahiblər köçərkən evdə qəribə bir gəlincik unudurlar. Evin xanımı bu oyuncağı özündə saxlamaq qərarına gəlir.

Çox keçmədən evdə izaholunmaz hadisələr baş qaldırır. Studiyada bəstəkar işləyən ər fərqinə varmadan elə mahnılar yazır ki, onları eşidən insanlar həyatını itirir. Eyni zamanda cütlük tezliklə əkiz uşaqlarının dünyaya gələcəyini öyrənir. Ailənin yeni məskənində qəribəliklər davam edir.

«Gui ying: Baby Blues» qorxu filmi 2013-cü ildə Çin və Honq Konq birgə istehsalı kimi ekranlara çıxıb. Ekran əsərinin rejissoru Lyun Po-Çidir, əsas rolları isə Keyt Tsuy, Karena Nq, Janel Sin və Reymond Lam canlandırıb.