Səkkizinci gecə

Minilliklər əvvəl Budda dünyanı məhv etmək istəyən qaranlıq varlığın güc mənbəyi olan qırmızı və qara gözlərini fərqli qutulara bağlayaraq tələyə salmışdı. Əsrlər sonra arxeoloq qırmızı gözün saxlandığı qutunu tapsa da, elmi dairələr onu yalançı adlandırıb ələ salır. Təhqir olunmuş tədqiqatçı illər sonra xüsusi ayin icra edərək həmin bədheybət qüvvəni yenidən sərbəst buraxır.

Tam gücünə qovuşmaq üçün qədim varlıq yeddi nəfərin ruhunu ələ keçirməlidir və sonuncu qurban bakirə şaman qadın olmalıdır. Qara gözün keşiyini çəkən rahib təhlükəni hiss edir və gənc müridini keçmiş rahib Son-hvanı tapmağa göndərir. Yalnız bu təcrübəli rahib bədheybətin yeddi addımlıq yolunu kəsmək qabiliyyətinə malikdir.

«Səkkizinci gecə» (Je8ilui bam) Cənubi Koreya istehsalı olan qorxu filmidir və rejissoru Kim Te-hyondur. 2019-cu ilin ekran əsərində baş rolları Son U-rim, Kim Don-yon, Kim Yu-con və Li Son-min canlandırıb.