Geri sayım

Nyu-Yorkda eyni mənzildə yaşayan Tailanddan olan üç gənc Yeni il gecəsini qarşılamağa hazırlaşır. Varlı ailədən gələn Cek əyləncə axtarışındadır, təkəbbürlü Pem dəbli geyimləri sevir, Cekin rəfiqəsi Bi isə şəxsi keçmişini və bu şəhərə gəlmə səbəbini hamıdan gizlədir.

Bayramı unudulmaz etmək istəyən gənclər İsa adlı qəribə bir narkotik satıcısını mənzilə çağırırlar. Qonağın gəlişi ilə birlikdə şənlik gözlənilməz bir qorxuya çevrilir və otaqdakıların həyatını tamamilə alt-üst edən hadisələr zənciri başlayır.

«Countdown» adlı qorxu filmi 2012-ci ildə Tailandda rejissor Natthavut Punpiriya tərəfindən çəkilib. Baş rolları Pattarasaya Krırsüvansiri, Paçara Çiratxivat, Yarinporn Yunkiat və Keytlin Haas canlandırıb.