Kabus qapısı

1998-ci ildə tərk edilmiş bir binada təmir zamanı divarın içinə hörülmüş cəsəd aşkar edilir. Səkkiz il əvvəl həmin məkanda qalan şəxslərdən biri bir neçə nəfəri qətlə yetirərək özünü asmışdı. Məkanı pis ruhlardan təmizləmək üçün çağırılan şaman qadın isə mərasim zamanı qəfil həyatını itirir.

Aradan dörd il keçsə də, anasının müəmmalı ölümünü unuda bilməyən paranormal hadisələr tədqiqatçısı cavablar axtarmağa davam edir. O, dirilər və ölənlər arasındakı qapının açıldığı sonuncu Ay Yeni ili gününü seçərək həmin binaya yollanır. Məqsədi isə 1990-cı ildə burada nələrin baş verdiyini öyrənməkdir.

«Gwimun» adlı Cənubi Koreya qorxu filmi 2021-ci ildə işıq üzü görüb. Ekran əsərinin rejissoru Şim Dok-kındır, rollarda isə Con Cə-hon, Hyon Yon-gün, Pe San-don və Can Cə-ho çəkiliblər.