Metamorfoz

Cinçıxarma ayini faciə ilə nəticələnir: qurbanını öldürən şər qüvvə qaçmazdan əvvəl keşiş Pakın ailəsini məhv edəcəyinə and içir. Baş verən hadisə ilə bağlı yayılan şayiələr ucbatından üç uşaqlı ailə başqa bir evə köçməyə məcbur qalır. Ailə başçısı isə öz doğma qardaşı ilə əlaqəni kəsmək qərarına gəlir.

Yeni ünvanda da dinc həyat qurmaq mümkün olmur. Əvvəlcə gecələr səs-küy salan və düşməncəsinə davranan qonşu narahatlıq yaradır. Çox keçmədən isə ailə üzvləri növbə ilə qəribə hərəkətlər etməyə başlayır və bir-birlərinə dəhşət saçırlar.

Cənubi Koreya istehsalı olan «Metamorfoz» (Byeonsin) qorxu filmi 2019-cu ildə işıq üzü görüb. Ekran əsərinin rejissoru Kim Hon-son olub, baş rolları isə Kvon İp-se, Kim Se-hi, Li Can-von və Kvon Ci-hvan canlandırıb.