Makmum

Yetimxananın üç gənc sakini axşam duaları zamanı qorxulu bir kabusla üz-üzə qalır. Tədricən güclənən bu qara qüvvə qızlardan birinin bədəninə daxil olur. Müəssisənin müdirəsi isə baş verənlərə inanmır və qızların sadəcə gündəlik işlərdən boyun qaçırmaq üçün yalan danışdığını düşünür.

Elə bu ərəfədə illər əvvəl buradan məzun olmuş keçmiş yetimxana sakini geri qayıdır. Şagirdlərin acınacaqlı vəziyyətini və ətrafa yayılan qorxunu görən gənc qadın binanın divarları arasında nələrin baş verdiyini aydınlaşdırmağa çalışır.

İndoneziya istehsalı olan «Makmum» qorxu filminin rejissoru Hadrah Daeng Ratudur. 2019-cu ildə işıq üzü görən layihədə əsas rolları Ali Syakieb, Jajang C. Noer, Reni Yuliana və Tissa Biani Azzahra canlandırıb.