Güzgünün arxasında

Bir il əvvəl baş vermiş güclü yanğından sonra böyük ticarət mərkəzinin yeni sahibi binanı yenidən açmağa hazırlaşır. O, təhlükəsizlik xidmətinin rəhbəri vəzifəsinə polis sıralarından qovulmuş bacısı oğlunu təyin edir. Lakin rəsmi açılış ərəfəsində məkanda iki müəmmalı qətl hadisəsi törədilir.

Nə baş verdiyini anlamağa çalışan gənc mühafizə rəisi cinayətlərin arxasında güzgülərin o biri tayında məskunlaşan kabusların durduğundan şübhələnir. Onunla yanaşı araşdırma aparan keçmiş həmkarı isə tamamilə fərqli mövqedədir və baş verənlərə məntiqi, rasional izah axtarır.

«Güzgünün arxasında» (Geoul sokeuro) filmi 2003-cü ildə Cənubi Koreyada rejissor Kim Son-ho tərəfindən çəkilib. Qorxu janrındakı ekran əsərində əsas rolları Ri Min, Ki Cu-bon, Ki Quk-so və Yun Hi-von ifa ediblər.